قصة حقيقية ...

عندي لكم قصه حلوة..تراها حقيقية ...

كان هناك صديقتان من الطفوله..<<بعطيهن أسماء خيالية..

كانا دايما يلعبن مع بعض ودايم سوالفهن مع بعض ومغمراتهن بعد..كبرن مع بعض وأحلامهن معاهن ووعدهن بصداقه دائمه معاهن وكل مرة يجددن في هذا الوعد..(رغد وليال صديقات للأبد)

لحتى......

في يوم من الأيام وفي بداية مراهقتهما في عمر12سنه تقريبا..وفي جمعه للبنات ف العايلة مثل كل إسبوع..كانت رغد تنقش حرفها وجنبه حرف صديقتها ليال..جات ليال وخربشت على حرفها وقالت: خلاص أنا ما عندي صديقه غير حليمة(بنت معجبه فيها ف المدرسة)..وإنتي ما أريدك صديقه لي..
رغد إنصدمت وكل البنات الموجودات بعد..
تكلمت إخت ليال الكبيرة وقالت: ليال ليش كذ؟؟..
ليال: أنا كيفي أنتوا مالكم دخل فيني..
إخت ليال الكبيرة: إنتي ماتستاهلي رغد أبد..
راحت رغد البيت ودموعها على خدها..

بعد إسبوع ومثل كل مرة تروح لبيت جدها وهناك الجمعه الإسبوعية..كان هناك كل البنات..
قالت وحده من البنات: رغوووده..والله وصرتي تحبين؟؟..
رغد تفاجئت..والبنات صارن يضحكن وبعضهن يسألن..
تكلمن ليال وقالت بكل جرأة: ترا رغد تحب أحمد(هذا ولد ف العايلة)..

رغد: إنتي كذاابه..
ليال: حلفي..
رغد ببكا: إنتي ليش خنتيني..ليش أفشيتي أسراري؟؟..ليش؟؟..
ليال: من حلاة أسرارك؟؟..روحي لا
مع إن ليال قالت للبنات كل أسرار رغد إلا إن رغد مافالت ولا شي..
مرت السنين وصار عمرهن تقريبا 15سنة وليال صارت هي وبنت ثانية ف العايلة إسمها فرح.. وكانن دايم مع بعض..وصارت مشكله بينهن شوي كبيرة وفرح قالت كل أسرار ليال..ومنها أسرارها إلي كانت مع رغد وما أفشتها أبد لأي كائن حي..ومن هذي الأسرا إنها كانت ومازالت تحب أحمد نفس الشخص إلي تحبه رغد..وإلي خبته عن الكل وصارت تنكره ف ذا الوقت مع إنه مازال ف قلبها..
جات ليال لرغد مهمومه وشكت لها من فرح..صارت رغد تواسيها وحلت المشكلة من بينهم ورجعتهم زي ماكانوا وأحسن..وإكتشفت من ليال نفسها سبب تركها لها وليش قالت قبل سنوات ذاك الكلام..وإنه كان أحمد يميل لرغد ودايم يعطيها أكل ويقاسمها منه ويلعب معاها لما كانوا صغار وحتى قبل المشكله اللي صارت بين رغد وليال وليال تركت رغد والسبب إنهم مرة كانوا طالعات ورايحات بيت عمهن وكان جنب باب بيتهم أولاد العايلة..إستوقفهم صوت أحمد يقول:كيف حالك رغد؟؟
ردت عليه رغد بأدب ودخلت بسرعه البيت ووراها ليال مقهورة من أحمد إلي ماسأل عنها..وبسبب هاذا الشي تركتها مع إنه مو بإيدها..
رغد شافت أشكال وأوان من البنات وكل سنة تتعرف على بنت ف المدرسة وتصادقها وتتعلق فيها من يخلص العام الدراسي ويجي العام الجديد تكتشف إن صديقتها خانتها للأسف..صارت ماتثق فأحد..مع إن شخصيتها مثل العسل ومايبين كل إلي واجهته ف حياتها..بنت ضحوكه ومزوحه وتساعد الكل وتسامح وقلبها طيب..
ف أجازة العيد كانوا هي وليال وأخوات ليال لأنه رغد أكبر أخوانها وماعندها أخوات رايحين يسموا على عمومهن..وهم ف بيت واحد من عمومهن دخل أحمد وأخوانه إثنين إلي أكبر منه للبيت والبنات تغطوا..سلموا ودخوا أخوان أحمد وأحمد ظل واقف..
قال: كيفك رغد؟؟..
رغد ردت بأدب وسكتت..
قال أحمد: والله وكبرتي وصرتي تتغطي مني يارغد..بس إن شاء الله ماراح يطول هالوضع..
ودخل مع إخوانه للمجلس..
وترك البنات ف صدمه وأولهن ليال إلي دفت رغد لحتى طاحت على الأرض وصارت تصارخ عليها..بس أخواتها منعنها من إنها تضربها وضربنها يمنعنها من الصراخ..رجعن البيت ودموع رغد شلال على خدها صارت ماتتكلم طول اليوم ودايم وحدها وسرحانه..ووقت العصر جحن الحريم كلهم ودخلت أمها معصبه رفعتها وصارت تضرب فيها لحتى خلاص إنهارت رغد وما قدرت تقوم..

قالت أمها: ويش بينك وبين أحمد؟؟..تكلمي..
ماقدرت تنطق..ضربتها أمها مرة ثانية وقالت قبل لاتروح: والله وطكع كلام ليال صحيح..تفو عليك
صارت رغد تبكي من قلب من الظلم ومن القهر ومن كل شي..
إنتشرت السالفه ف العايلة وسمعها أحمد من أمه وثار وصار يصارخ عليهم وإنهم كيف تجرئوا وصدقوا الكلام إلي طلع..طلب من أمه تخطبها له..بس أمها قالت بعدها صغيرة بتكمل دراستها..حرموها من كل شي لا كمبيوتر لاإنترنت ولا مبايل ولاحتى طلعات دايم محبوسه..
صار عمرها 18سنه وهاذي ثالث مرة أحمد يتقدم لخطبتها وهي ماحد شاورها..وطبعا هالخطبه رسمية وإنتشرت ف العايلة وبسبب الخبر صارت لليال حالة نفسية..طبعا أهل رغد وافقوا بدون رايها وسووا لها ملكه سريعه..ومنعوا أحمد من إنه يشوفها حتى النظره الشرعيه..وحتى بعد الملكه منعوه إنه يشوفها..
بعد إقناع طويل من أم أحمد لأم رغد وافقت بس بدون علم رغد..وجا يوم الجمعه وكانوا البنات كلهم ف الحوش مجتمعات ودخلوا الحريم معاهم وجلسوا على بساط وصاروا يسولفوا..طلبت أم رغد من البنات يتغطوا بعذر إنه أخو رغد بيدخل..تغطوا البنات ماعدا رغد..وكانت الصدمه إنه أحمد دخل ومن شاف رغد شهق وتفاجئ أما رغد صارت تدور غطا تتغطى فيه..
بس أمها منعتها وقالت لها إنه زوجها..صار أحمد يطلب من أم رغد يجلسوا شوي مع بعض لأنه يريد يسمع صوتها لأنه ماسمع صوتها من زماااان من سنوات من لما كان يسألها عن حالها..
عرف الكل براءة أحمد ورغد من كذب ليال..وتزوجت رغد وأحمد..أما ليال عرفت إنها غلطانه وصارت دايم تلوم نفسها على إلي سوته..

منقووول